Skip to main content

Mickoski thotë se po përgatitet vjedhja më e madhe në historinë më të re të Maqedonisë

Shkup, 7 gusht,  – Lideri i opozitës maqedonase, Hristijan Mickoski ka adresuar kritika drejt kryeministrit Zoran Zaev për shkak të paralajmërimit për investime prej 5 miliard euro, transmeton Zhurnal.
Sipas Mickoskit, tani po përgatitet vjedhja më e madhe në historinë e Maqedonisë.
Ndryshe,Kryeministri Zoran Zaev me video porosi në profilin e tij në Fejsbuk ka paralajmëruar ciklin investues prej rreth pesë miliardë euro.
“Një miliardë në rrugë, një miliardë në hekurudhë, një miliardë në energjetikë, Qendër e re klinike, investime në bujqësi dhe zhvillimin rural, stacione të reja trajtimi, fabrika rajonale për mbledhjen e mbeturinave, sisteme kanalizimi dhe ujësjellësi, shkolla dhe kopshte…Ndërtojmë projekte reale për nevoja reale për të gjithë qytetarët. Shteti jonë është në rrugë të mirë”, shkruan Zaev në porosinë e tij në Fejsbuk.